भारतीय क्रिकेट संघातील माजी सलामीवीर आणि विद्यमान खासदार गौतम गंभीर याने करोना व्हायरसविरुद्धच्या लढ्यात आतापर्यंत कोणी केली नाही अशी मोठी घोषणा केली आहे. करोनाविरुद्धच्या लढ्यात प्रत्येक जण केंद्र आणि राज्य सरकारला मदत करत आहे.
पंतप्रधान नरेंद्र मोदी यांनी करोनाविरुद्धच्या लढ्यासाठी मदत करण्याचे आवाहन केले होते. करोनाग्रस्तांसाठी भाजपचा खासदार असलेल्या गंभीरने याआधी खासदार निधीतून ५० लाख आणि नंतर एक कोटी रुपये दिले होते. आज (गुरुवारी) गंभीरने पुढील दोन वर्षाचा पगार पंतप्रधान मदत निधीला देण्याची घोषणा केली आहे.
